PN ASSAM

অসম জাতীয়তাবাদী যুৱ-ছাত্ৰ পৰিষদ বৰভাগ আঞ্চলিক সমিতিৰ উদ্যোগত অসমীয়া জাতিৰ বাপতি সাহোন ৰঙালী বিহু উপলক্ষে পহিলা বহাগৰ দিনা অঞ্চলটোৰ বিশিষ্ট সংবাদিক,বিশিষ্ট শিল্পী তথা অৱসৰপ্ৰাপ্ত শিক্ষকক একোখন গামোচা আৰু এখন শুভেচ্ছা পত্ৰৰে ৰঙালী বিহুৰ শুভেচ্ছা জ্ঞাপন কৰে।অসম জাতীয়তাবাদী যুৱ-ছাত্ৰ পৰিষদ বৰভাগ আঞ্চলিকৰ বিষয়ববীয়া সকলে বৰভাগ অঞ্চলৰ বিশিষ্ট সংবাদিক ক্ৰমে দন্দীৰাম দাস,ৰমেন তালুকদাৰ, হীমজ্যোতি ভূঞ,আব্দুল কাদেৰ আহমেদ, গনেশ নমসুদ্ৰ,অৰবিন্দ চক্ৰৱৰ্তী,পংকজ কুমাৰ কলিতা,নৰেন শৰ্মাৰ ঘৰলৈ গৈ বিহুৰ শুভেচ্ছা জ্ঞাপন কৰাৰ লগতে সাংবাদিক পংকজ কুমাৰ লহকৰক লহকৰপাৰা সৰুদৌল নামঘৰ প্ৰাঙ্গণত এখন গামোচা আৰু এখনি শুভেচ্ছা পত্ৰৰে অসমীয়া নৱবৰ্ষ আৰু ৰঙালী বিহুৰ শুভেচ্ছা জ্ঞাপন কৰে ।আনহাতে বিশিষ্ট চিত্ৰ শিল্পী ৰাজীৱ আহমেদ,ঢোল বাদক মুকুল চক্ৰৱৰ্তী,প্ৰাক্তন অধ্যক্ষ শশীন শৰ্মাক এখন গামোচা আৰু এখন শুভেচ্ছা পত্ৰৰে অসমীয়া নৱবৰ্ষ আৰু ৰঙালী বিহুৰ শুভেচ্ছা জ্ঞাপন কৰে

 নলবাৰী জিলাৰ বৰভাগ ৰাজহ চক্ৰৰ অন্তৰ্গত লহকৰপাৰা সৰুদৌল গাওঁৰ ঐতিহাসিক দৌল যাত্ৰাৰ মহাপ্ৰভু শ্যামৰায় মন্দিৰটো নতুনকৈ নিৰ্মাণ কৰাৰ বাবে বহাগৰ প্ৰথম দিনটোত মন্দিৰৰ আধাৰশিলা স্থাপন কৰা হয়।বিশিষ্ট সাংবাদিক ভাস্কৰ শৰ্মা আৰু সাংবাদিক তথা  গাওঁ পৰিচালনা সমিতিৰ সম্পাদক পঙ্কজ কুমাৰ লহকৰে আতধৰা অনুষ্ঠানটোত গাওঁবাসী ৰাইজৰ উপস্থিতিত বিশিষ্ট সমাজসেৱক,বৈদ্যগড় পঞ্চায়তৰ প্ৰাক্তন সভাপতি মাননীয় শ্ৰীযুত ভুৱনেশ্বৰ লহকৰে আধাশিলাৰ শুভ উদ্বোধন কৰাৰ লগতে বিশিষ্ট সমাজকৰ্মী উপেন কলিতা,সতীশ লহকৰে অনুষ্ঠানটো অংশগ্ৰহণ কৰি গাওঁবাসী ৰাইজক উৎফুল্লিত কৰে।উল্লেখনীয় যে অসমীয়া নতুন বছৰৰ আৰম্ভণিৰ  প্ৰথম দিনটোত গাওঁৰ পুৰুষ-মহিলাৰ উপস্থিতিত  গাওঁৰ বাৰ্ষিক হোম যজ্ঞও সম্পন্ন কৰা হয়।

চিকিৎসক, সংবাদিক, আৰক্ষী বিষয়া, বয়োজেষ্ঠৰ লগতে প্ৰাক্তন ছাত্ৰ নেতাক বিহুৰ শুভেচ্ছা জ্ঞাপন। আজি গৰু বিহুৰ দিনা বাহাৰঘাট আঞ্চলিক ছাত্ৰ সন্থাই দিনে-নিশাই ৰাইজক সেৱা আগবঢ়োৱা চিকিৎসক, সংবাদদাতা, আৰক্ষী বিষয়া, বয়োজেষ্ঠৰ লগতে প্ৰাক্তন ছাত্ৰ নেতাক বিহুৱান লগতে সম্বৰ্ধনা পত্ৰৰে অভিনন্দন জ্ঞাপন কৰে। সদৌ নলবাৰী জিলা ছাত্ৰ সন্থাৰ সাংগঠনিক সম্পাদক তথা বাহাৰঘাট আঞ্চলিক ছাত্ৰ সন্থাৰ উপদেষ্টা বিকি শৰ্মাই জানিবলৈ দিয়ে যে- প্ৰতি বছৰৰ দৰে এই বৰ্ষ ও গৰু বিহুৰ দিনাই পুৱাই বৃহত্তৰ বাহাৰঘাট অঞ্চলত কভিদ কালীন সময়ছোৱাৰে পৰা দিনে- নিশাই ৰাইজক সেৱা আগবঢ়োৱা তিনিগৰাকী চিকিৎসক ডাঃ হিমজ্যোতি মালাকৰ, ডাঃ দেৱান মহম্মদ ইমৰুল আৰু সানেকুছি ৰাজ্যিক চিকিৎসালয়ৰ চিকিৎসক ডাঃ হেমেন শৰ্মাক বিহুৱান প্ৰদানেৰে শুভেচ্ছা জ্ঞাপন কৰা হয়। অসমীয়া প্ৰতিদিনৰ দণ্ডীৰাম দাস, আমাৰ খৱৰৰ হিমজ্যোতি ভূঞা, দৈনিক অসমৰ কামিনী কান্ত মিশ্ৰ, নিয়মীয়া বাৰ্তাৰ আব্দুল কাদেৰ,দৈনিক অগ্ৰদূত কাকতৰ সাংবাদিক নৰেন শৰ্মা, দৈনিক বাতৰি কাকতৰ পংকজ কুমাৰ লহকৰ, টাইম ৮ ৰ সাংবাদিক হীৰকজ্যোতি ডেকা আৰু বাৰ্তা A To Z ৰ স্বত্বাধিকাৰী গণেশ নমঃশূদ্ৰক বিহুৱান প...